Категории

5 јога пози за намалување на стомакот

Намалувањето на стомакот може да биде една од најтешките работи, иако сте активни и се храните здраво стомачните маснотии се најтврдоглави.

Ова се пет едноставни јога пози кои доколку ги внесете во вашата рутина ќе вродат со плод и брзо ќе забележите позитивни резултати.

  1. Dhanurasana

Ги затегнува абдоминалните мускули и ги зацврстува. Исто така го истегнува телото и помага за регулирање на дигестивниот систем.

Како да ја направите? Легнете на стомак со рацете покрај тело. Свиткајте ги колената и полека кренете ги, а со рацете обидете се да ги фатите стапалата. Држете 15-30 секунди, повторете 5 пати, со паузи измеѓу од 15 секунди.

  1. Bhujang asana

Кобрата ќе ви ги затегне стомачните мускули и ќе помогне во согорување на маснотиите. Исто така го обликува горниот дел од телото и го зацврстува `рбетот.

Како да ја направите? Легнете на стомап и испружете ги убаво нозете, кренете се со рацете, држејќи ги дланките под рамената, дишете длабоко и тегнете ги градите и вратот нагоре. Држете ја оваа поза 15-30 секунди и полека дишете. Повторете 5 пати со паузи измеѓу, но не ја правете доколку имате повреда на грбот, доколку сте бремени или имате хернија.

  1.  Naukasana

Го зацврстува грбот и мускулите на нозете, а во исто време помага да го намалите обемот на струкот.

Од легната положба испружете ги нозете, кренете го телото и фатете ги стапалата. Држете ги нозете исправени, стомакот стегнат. Држете 15 секунди, повторете 5 пати, со паузи измеѓу.

  1. Pavanamukthasana

Со оваа поза ќе ја намалите болката во долниот дел од грбот, половината, а ќе ги зацврстите колковите, бутовите и стомачните мускули. Некои луѓе веруваат дека ова оваа поза помага за стабилизирање pH вредноста, преку подобрување на метаболизмот и дигестивниот систем.

Лежејќи поставете ги рацете покрај телото и истегнете ги нозете, а стапалата да се допираат. Издишете и повлечете ги колената накај градите. Користете ги бутовите да нанесете притисок на абдоменот. Држете 60-90 секунди и дишете длабоко. Повторете 5 пати, со пауза измеѓу.

  1. Kumbhakasana

Ќе ви ги зацрсти рацете, задникот, нозете и рамената, а во истовреме го намалува салото на стомакот.

Првично треба да бидете застанати на колена и раце, со дланките под рамената. Потоа истегнете ги нозете и застанете во рамна линија, стегајќи го цело тело, а тежината распоредете ја во стапалата, нозете, стомакот и рамената. Држете 15-30 секунди, потоа издишете и спуштете се. Пвторете 5 пати, со паузи измеѓу. Не се препорачува за луѓе кои имаат повреда на рамото или висок крвен притисок.

 

Прегледи:
699
Објавено на:
20.04.2016