Категории

Домати полнети со фета сирење

Со само неколку состојки можете да добиете вкусен, а здрав ручек.

Комбинација на домати, босилек и стопено сирење ретко на кого нема да му се допадне.

Ова медитеранско јадење можете да го послужите и како главно, ако сакате лесен оброк.

За негова подготовка потребни ви се само 30 минути.

Состојки:

6 домати
1 лажица маслиново масло
¾ шолја издробено фета сирење
Насецкан свеж босилек и магданос
Сол и бибер
Подготовка:

Загрејте ја рерната на 180 степени. Исечете ги врвовите на доматите и со лажица издлабете ги. Врвовите сочувајте ги на страна.

Измачкајте стаклен сад за печење со маслиново масло и доматите рамномерно распоредете ги.

Во посебен сад измешајте ги фета сирењето, босилекот и магданосот. Смесата ставете ја во доматите. Зачинете со сол и бибер и прелејте ги малку со маслиново масло.

Поклопете ги со врвовите кои на почетокот ги исековте и печете 10-на минути додека доматите не омекнат, а сирењето да се стопи.

Имајте добар апетит!

Прегледи:
1122
Објавено на:
01.07.2016