Категории

Астероид кој се наоѓа помеѓу Марс и Јупитер би можел да не направи милијардери доколку ја погоди Земјата

НАСА започнува мисија за проучување на астероид за кој се верува дека содржи толку многу благородни метали што сите на Земјата би биле милијардери. Богатството што го „носи“ тоа небесно тело се проценува на околу 10.000 милијарди долари.

Откриен во март 1852 година, астероидот Психа 16 е широк 200 километри. Еден и пол век по откритието, астероидот ќе биде во фокусот на проектот на НАСА, кој се очекува да започне во август 2022 година. Леталото на Американската вселенска агенција треба да пристигне на дестинацијата четири години подоцна, на почетокот на 2026 година.

Ова ќе биде прво истражување на метали наместо камен и мраз, што е вообичаена практика во мисиите кон небесните тела, пренесува Б 92.
„За разлика од повеќето други астероиди што се карпи или ледени тела, научниците мислат дека астероидот (метал) Психа 16 тип М се состои главно од железо и никел слични на оние што се наоѓаат на Земјата“, вели НАСА.

Астероидот се наоѓа помеѓу Марс и Јупитер. Се верува дека дел од протопланетата била уништена од бројни судири со други тела за време на формирањето на Сончевиот систем.

Целта е да се реши мистеријата за потеклото на астероидот
Тим во Калифорнија разви карта за температура која ќе им помогне на експертите на НАСА подобро да ги разберат својствата на површината на астероидот. Инфрацрвените слики на небесните тела обично даваат само фрагмент од податоци еквивалентни на еден пиксел, но истражувачите се надеваат на резолуција од 50 пиксели.

„Наодите се огромен чекор кон решавање на мистеријата за потеклото на овој необичен објект, за кој некои мислеа дека е парче од јадрото на протопланетата што немаше среќа“, велат истражувачите задолжени за неодамнешните студии.

Откриле дека површината на астероидот е најмалку 30 проценти метал, а површинските карпи содржат и помали парчиња метал.

Врз основа на снимките направени од телескопот Хабл, се проценува дека вредноста на скапоцените метали на астероидот е околу 10.000 милијарди долари.

Прегледи:
105
Објавено на:
11.08.2021