Категории

Данска го освои златото на ракометниот турнир

Данската ракометна репрезентација е победник на олимпискиот турнир во Рио, откако вечерва во финалето ја совлада Франција со 28:26.

Данците одиграа подобро во финишот на првото полувреме кое го завршија со предност од два гола (16:14), иако во 21.минута губеа со 12:10. Оваа предност на крајот се покажа како пресудна за конечниот победник, бидејќи во вторите 30 минути се играше рамноправно 12:12.

Данците во неколку наврати водеа со три гола разлика, еднаш имаа и највисоки плус пет (25:20), доволно за рутиниран финиш.

Најдобар играч на мечот беше Микел Хансен со осум голови. Во мечот за третото место Германија ја победи Полска со 31:25.

Прегледи:
420
Ознаки:
Категории:
Ракомет · Спорт
Објавено на:
21.08.2016