Категории

Денес е Свети Климент Охридски – Чудотворец, патрон на МПЦ

Денеска е Св. Климент Охридски – Чудотворец. За многу години!

Свети Климент се роди во Рим, а потекнуваше од царски род. Во младоста отпатува на Исток, каде што се запозна со верата во Христос. Учители му беа самите апостоли.

По враќањето во Рим беше избран за епископ во престолниот град. Подоцна, во времето на императорот Трајан, свети Климент беше протеран во Херсон, каде беше осуден на смрт и фрлен в море со камен околу вратот. Пострада за Христа во 101 година. Своевремено, неговите мошти ги пронајдоа светите браќа Кирил и Методиј и ги пренесоа во Рим.

Свети Климент Охридски го носеше своето име по углед на овој голем Христов светилник.

Свети Климент Охридски, родоначалник на словенската литература и црковно беседништво, прв оригинален словенски и македонски поет, говорник, преведувач, заштитник на Охрид бил назначен за прв словенски епископ на Балканот.

Овој ден е прогласен за Ден на свети Климент Охридски, патронен празник на Македонската православна црква. Во негова чест, во Република Македонија се доделува секоја година наградата „Св. Климент Охридски“ со која се оддава највисоко признание за долгогодишни остварувања во областа на воспитанието, образованието, културата, уметноста, здравството, спортот и заштитата и унапредувањето на човековата околина и во социјалната дејност.

КАТОЛИЧКИ КАЛЕНДАР: Денеска е Безгрешно зачнување на Блажена Девица Марија.

Црквата не учи дека едно битие останало совршено на своето место и покрај општиот неред. Тој неред го предизвикал гревот на нашите прародители Адам и Ева, кој поминал на сите луѓе и го повикува изворниот грев. Тоа е битието на Блажена Девица Марија. Со денешниот празник, црквата не посетува како Марија од зачнувањето во утробата на својата Мајка Ана била ослободена од изворниот грев. Вистината за безгрешното зачнување на Блажена Девица Марија го прогласил папата Пио Деветти, на 8 декември 1854 година. Четири години подоцна, во 1858 година во Лурд, во Франција, Блажена Девица Марија и се прикажува на девојката Бернардица. Од тогаш, Лурд го посетуваат милиони луѓе. Според Маријевиот заговор, таму се излечиле многу болни на душа и тело.