Како да се охрабрите себеси во тешки моменти

Свесни сме дека деновите што се пред нас се сосема различни од она што го очекувавме од пролетта. Можеби не ви изгледа фер, можеби сте лути и вознемирени, но постои начин да се охрабрите себеси во овие тешки моменти.

Охрабрете се себеси, откажувањето не е опција во животот

Во тешкитемоменти, замислете колку би бил празен живот, доколку нема предизвици во него. Без проблеми и потешкотии со кои секојдневно се соочувате, никогаш не би научиле ништо,ниту би пораснале. Вие едноставно би постоеле со постојано чувство на здодевност и стагнација. Препреките нè прават живи, нè поттикнуваат да се промениме.

 

Охрабрете се себеси, прифатете ги промените

Честопати се плашиме од промени и со тоа го отежнуваме нашиот живот. Потребна ни е промена затоа што ни помага да се развиваме и да научиме важни лекции. Понекогаш тие не се ниту лесни, ниту убави, но во тоа е нивната важност. Најдобрите работи во животот ни се случуваат кога сме на раскрсница, не гледаме ништо убаво и мислиме дека нема ништо да се подобри. Кога мислите дека сте стигнале до крајот и не можете повеќе, тој очај навистина ви покажува по кој пат да тргнете.

 

Охрабрете се себеси, запомнете дека секогаш имате избор

Вие го контролирате вашиот живот во секој миг. Никакви сили не одлучуваат за тоа што ќе правите, каде ќе живеете и како ќе се однесувате. Сè е во ваши раце и не плашете се од таа одговорност. Кога се чувствувате скршено, тоа значи дека треба да донесете подобри одлуки за себе. Секој заслужува да биде среќен, понекогаш е потребно само време да се пронајде таа среќа.

Охрабрете се себеси, болката не трае вечно

Ако болката би траела засекогаш, не би знаеле каква е среќата. Треба да ја запознаеме тагата за да се чувствуваме среќни. Нека негативните чувства течат низ вас, бидејќи колку повеќе ќе им се спротиставувате, толку подолго ќе живеат во вас. Прегрнете ја болката, заблагодарете и се што ве научила на важни лекции, затоа што после болката доаѓа среќа.

 

Охрабрете се себеси, размислувајтеза убави работи

Честопати кога се чувствуваме скршени, ние се фокусираме само на лошите работи во животот наместо на доброто. Фокусирањето само на лошите работи ќе привлече уште полоши. Многу студии заклучиле дека луѓето кои се благодарни, имаат подобри односи со други луѓе, се со подобро здравје, имаат пооптимистички погледи за животот.




Коментари

[fbcomments]