Категории

Какви коцки мраз ни служат во кафе баровите?

Дали некогаш сте се запрашале каков мраз ни послужуваат по кафе баровите?

Тој се прави од стоена вода, додека ледоматите се полни со бактерии, а бармените и келнерите кашлаат и киваат, без да ги мијат рацете, со кои го фаќаат. Замислете само и дека е можно да не ги мијат рацете и откако ќе завршат работа во WC.

Во мразот има многу бактерии, меѓу кои и фекални. Неодамнешното истражување од Швајцарија покажува како секоја четврта коцка мраз во швајцарските барови и ресторани не е здравствено исправна. Поради ова и хрватските научници решиле да го испитаат ледот во нивните кафеани и ресторани.

Земале 10 примероци мраз и ги однеле на анализа. Се прашувале дали во тој мраз по 72 часа стоење ќе се пронајдат бактерии.

– Кога ќе замислиме дека 1мл вода е мала количина, а добиваме вакви анализи… Кога луѓето би знаеле, сигурно повеќе време ќе посветат на хигиената. Ниту оние кои послужуваат, ниту оние кои пијат не треба да посегнуваат по мраз, изјавила д-р Иванчица Ковачек од Заводот за јавно здравство во Загреб.

Во 4 од 10 објекти во мразот пронајдени се фекални бактерии, стафилококи, како и бактерии кои се знак на стоена вода.

– Има бактерии кои покажуваат дека луѓето не ги мијат рацете по одење во WC. Бактериите може да влезат во мразот. На пример, луѓето кои работат со мразот, многу зборуваат над него. Капките плунка кои излегуваат од нивните усни или ако се настинати од нивниот нос, може да влезат во водата. Исто така и ледоматот може да е во многу лоша ситуација поради што не се чисти редовно. Мирисот на микроорганизми, кои се од фекалиите, потсетува на миризба од застоен сифон во кујна, објаснува д-р Ковачек.

Ако ги испиеме бактериите, нема да завршиме во болница. Сепак, може да се чувствуваме лошо и надуено. Можно е и да не заболи грлото ако сме малку почувствителни. Како и да е, за ваше добро, следен пат, потенцирајте да не ви ставаат мраз во пијалакот или кафето.