Категории

Кога околу тебе ќе беснее невреме – Само задржи го својот мир

Во најтешките мигови, најважно е да останеш присебен и смирен, само така ќе можеш да ја пребродиш секоја лоша ситуација

Учениците се чуделе како нивниот учител успева да одржи мир и сталоженост во најтешките животни ситуации. Така често тие биле сведоци кога некој ќе му соопштел тажна вест на нивниот учител а тој само продолжувал да гледа во далечината спрема морето. Така една олујна вечер му дошол пријател со вести:

-Твојот најдобар пријател е многу болен и умира.

Учителот само продолжил да гледа во правецот на олујното море. Пријателот видно вознемирен го запрашал:

-Не ми е јасно, како тебе ништо не те вознемирува? Јас да би слушнал дури и помалку вознемирувачка вест, би се разбранувал како морето.

-Треба да го задржиш мирот во длабочината.

-Не разбирам?

-Ајде обиди се да нурнеш во длабочината.

-Зошто?

-Нурни, па ќе видеш..

-Но олујата и брановите се огромни?

-Само нурни..

И пријателот направил како што му кажал учителот. Кога се вратил после некое време, учителот го прашал:

-И што заклучи?

-Иако на површината беснеат големи бранови, во длабочината е потполно мирно.

-Ете, таков биди и ти!