Лекција за душата: Зошто во животот имаме толку проблеми?

Ако се запрашувате зошто во животот имате толку проблеми, прочитајте ја оваа приказна. Можеби ќе ви помогне да сфатите нешто важно за себе.

Душите седеле на тркалезна маса и ја бирале својата следна задача. Тогаш станала една смела и силна душа:

– Овој пат ќе отидам на Земјата и ќе ги научам да простуваат. Кој ќе ми помогне во ова?

Останатите души помалку исплашени се огласиле: – Тоа е една од најтешките лекции… Можеби нема да биде доволен ни цел живот да успееш во тоа… Многу ќе патиш… Многу ни е жал за тебе… Можеби сепак ќе успееш… Ќе ти помогнеме…

Едната душа рекла:

– Подготвена сум да те пратам на Земјата и да ти помогнам. Ќе бидам брачен партнер и во нашиот семеен живот многу проблеми ќе настанат по моја вина, а ти ќе научиш да ми простуваш.

Другата душа додала:

– Јас би можела да станам родител и да те направам детството да ти биде тешко. Потоа би можела да ти се мешам во животот и работата, а ти ќе се учиш да ми простуваш.

Третата душа рекла:

– Ќе ти бидам претпоставен, кој често кон тебе ќе биде строг и неправеден, за да можеш да осетиш како е да простуваш.

Уште неколку души се договориле со неа да се сретнат во различни периоди од животот, за да и дадат лекција… Секоја душа избрала своја лекција и заеднички направиле план како ќе се упатуваат низ животот. Кога планот бил готов, се создале на Земјата.

Меѓутоа, школата за душите е таква, во моментот на раѓање кога започнуваат нова лекција нивното сеќавање се брише. Само ретките можат да осетат дека ништо не е случајно и дека секој човек во нашиот живот всушност се појавува тогаш кога ни е потребна лекцијата која тој ја носи со себе.




Коментари

[fbcomments]