Категории

Лепче за Бадник за среќа

Народот вели пред Божик зад Божик, кај и да си дома да си. Зошто тогаш семејството е заедно, на купче околу трпезата. На посна вечера и во исчекување на адетот на кршење на бадниковото лепче. Лепчето со паричка е задолжително, а тука се и гравчето, сармата, рибата… Домовите се украсуваат со дабови гранчиња. За оној кај кој ќе се падне паричката се верува дека во текот на целата претстојна година ќе има среќа и бериќет.

Рецепт за лепче со паричка.

250 мл млака вода

1 квасец

50 мл маслиново масло

1 лажичка сол

пола лажичка шеќер

1 лажичка сусам

1 лажичка буковец

1 лажичка оригано

1 лажичка семки од сончоглед

1 лажичка семки од тиква

1 лажичка ленено семе

1 лажичка афион

500 гр брашно

1 лажица палента

Подготовка:

Со овие состојки се замесува тесто помеко и се остава да кисне 20 минути. Потоа пак се размесува, се прави векна. Се остава да кисне уште 15 минути па се става паричката и се враќа во рерна. Лепчето се пече на температура од 180 степени.

Прегледи:
1635
Објавено на:
06.01.2016