Категории

Маж од Италија побарал развод затоа што жената не чистела, перела и готвела

Тоа е случај кој изгледа како да дошол некаде од 1950-тите, а не од земја во која постои рамноправност помеѓу половите – е коментарот на судијката која решаваше овој случај.

Сопругот изјавил на суд дека неговите страдања траеле две години. Освен што живеел гладен и во неред и не се сеќавал на својот последен пристоен оброк, рекол дека жената повремено го исфрлала и од спалната соба.

Мажот од селото Сонино во Италија прво ја пријавил во полиција својата пет години помлада сопруга со образложение дека го занемарува и злоставува така што не му чисти, не му пере и не му готви доволно.
Полицијата сето тоа го сфатила доста сериозно, но наместо да ја отфрлат објавата, односно да ја декларираат како семејна расправија, целиот случај го проследиле на суд а тоа „занемарениот“ сопруг едвај го дочекал.

И сето тоа би останало во доменот на добар виц ако полицијата и судот не би се заангажирале да го проучуваат случајот со месеци додека на жената не почнал да и се заканува 2-6 годишна затворска казна поради семејно насилство.

„Тоа е случај кој изгледа како да дошол некаде од 1950-тите а не од земја во која постои рамноправност на половите“ – прокоментирала судијката Мара Матиоли.