Почина познатиот македонски водител и автор на многу емисии, Драган Вучиќ

Утринава, на Инфективната клиника во Скопје почина познатиот македонски музичар, композитор и телевизиски водител Драган Вучиќ (65). Како што објавија дел од медиумите, тој починал поради компликации предизвикани од КОВИД-19.

Драган Вучиќ е роден во Скопје 1955 година. Изгради успешна музичка кариера и на сцената е повеќе од 40 години. Потекнува од музичко семејство и беше еден од најдобрите басисти на Балканот. Во помладите денови членувал во повеќе групи, а најголем успех постигна со групата „Кода“.

Компонирал голем број македонски хитови, меѓу кои најпознати се: „Свирете ја зајди, зајди“, „Ангели ме носат“ и „Кажи ѕвездо“. Беше автор и на песната „ Make My Day“, со која Мартин Вучиќ настапи на „Евровивија 2005“.

Драган Вучиќ беше и познат телевизиски водител на голем број емисии кои беа многу популарни кај гледачите, меѓу кои се „Вашите пет минути“,„Среќни луѓе“, „Возење со Вучиќ“ и други. Последниот негов серијал е „Гурмански муабети“ што се емитува на ТВ Телма.

 

Почивај во мир Драган и сочувство до семејството!




Коментари

[fbcomments]