Со аудицијата во Скопје заврши изборот на талентираните кандидати, почнуваат Гала вечерите

Музичкото шоу за таленти „Ѕвезда број 1“ полека, но сигурно, со стартот на својата прва сезона која ќе трае три месеци, станува вистински предизвик и атракција за сите момци и девојки ширум нашата земја.

Доказ за тоа се и многубројните пријавени кандидати кои ги гледавме на аудициите во различни градови низ Македонија.

Последната аудиција се одржа во Скопје, изминатиот викенд, а истата според организаторите била навистина масовна и посетена.

На скопската аудиција, освен стандардното жири составено од Елена Петреска, Бане Поповиќ и Жаре Бербер, каде имаше повеќе од 200 пријавени момци и девојки, одлука кој ќе оди понатака носеа и Александар Тарабунов и Теа Трајковска.

Откако завршија аудициите, наскоро ќе почнат и гала вечерите, каде на едно место ќе бидат сите кандидати кои ја поминаа првичната селекција.

Секојдневно на „1 ТВ“ можете да се запознаете со пријавените кандидати, нивните згоди и незгоди на сцената, нивниот талент…




Коментари

коментари