Категории

Сочна, но крцкава: Домашна виткана баклава! (РЕЦЕПТ)

Највкусните колачи понекогаш се и најлесни за правење. Така е и со оваа виткана баклава

Состојки:

  • 500 гр. тенки кори
  • 100 гр. мелени ореви
  • 100 гр. мелени бисквити
  • 3 лажици гриз
  • 100 гр. суво грозје
  • 1 лажица шеќер во прав
  • 100 мл. млака вода
  • 100 мл. масло

за сируп:

  • 400 гр шеќер
  • 2 ванилин шеќер
  • 1 лимон
  • 1 сок од портокал
  • 300 мл вода

Подготовка:

Измешајте ги сите суви состојки (ореви, бисквити, гриз, суво грозје, шеќер), а потоа додадете ги маслото и млаката вода. Првата кора со четка премачкајте ја со масло по целата површина, додадете ја втората и премачкајте ја, додадете ја третата и неа премачкајте ја, а потоа ставете околу 3 лажици од смесата на дното и завиткајте.

Се виткаат во ролни. Наредете ги во подмачкана тава. Така треба да се направи со сите останати кори. Потоа исечете со остар нож на ролни и премачкајте ги со масло. Печете на 200 степени околу 30 минути.

Во тенџере истурете го шеќерот, додадете ја водата, парчиња лимон и сок од еден портокал. Варете да се згусне малку, а потоа истурете ја преку печената баклава.

Оставете да отстои некое време, за да се впие шербетот. Уживајте!

Прегледи:
3961
Објавено на:
17.08.2019