Суфле од спанаќ и тврдо варени јајца (РЕЦЕПТ)

Суфле е традиционално јадење кое може да биде солено или благо. Суфлето се смета за типичен француски деликатес, кој денес е омилен меѓу сите гурмани. Иако тешко се подготвува, за вас одбравме лесен рецепт за суфле од спанаќ и тврдо варени јајца.

Состојки:    

  • 500 гр спанаќ
  • 125 гр путер
  • 4 јајца
  • 60 гр брашно
  • 200 мл млеко
  • сол, бибер

За фил:

  • 300 гр крем сирење
  • 4 тврдо варени јајца

Подготовка:

Очистете го спанаќот, а потоа исечкајте го на мали парчиња, исцедете го вишокот од водата со раце и додадете го топениот путер. Потоа додадете 30 грама брашно, посолете и измешајте. Спанаќот ставете го во лим (врз хартија за печење) и печете на 180 степени додека не испари водата. Измешајте ги јајцата со миксер, додадете млеко и 30 грама брашно и зачинете со сол и бибер. Посипете го спанаќот со смесата од јајца и продолжете да печете додека спанаќот не добие боја.

Кората од спанаќот премачкајте ја со крем сирење, додадете 4 варени јајца исечени на помали парчиња и направете ролна. Кога ќе се излади исечете го на подебели парчиња и послужете.

Добар апетит!




Коментари

[fbcomments]