Категории

Усеин Болт доби повик од Борусија Дортмунд

Борусија Дортмунд е сериозна во намерата да му даде шанса на најбрзиот човек на светот Усеин Болт да ги покаже своите квалитети како фудбалер.

Работите се изгледа договорени, повеќекратниот олимписки шампион ќе пристигне на фудбалска проба и тоа во големиот германски гигант.

Спонзорот на клубот и на славниот атлетичар кој се повлече, Пума, била главен фактор во целата приказна.

Претседателот на Дортмунд Вацке прифатил, па Болт штом ќе закрепне од повредата ќе пристигне на „Вестфален“.

Тој има 31 година и негов сон е да заигра за Манчестер Јунајтед, но првата шанса ќе ја добие меѓу „Милионерите“.

-Сон ми е да бидам фудбалер и ќе се обидам да го остварам, не ми е гајле што мислат луѓето. Секако, доколку увидам дека не ми оди и го немам потребниот квалитет нема да се срамам, вели Болт.

-Точно е, добив повик од Дортмунд, сега е само важно да се подготвам и да се излечам од повредата. Потоа ќе пробам во Борусија, кој знае што ќе се случи, важно е да пробам, додава.

Прегледи:
280
Објавено на:
25.10.2017