Венко Филипче со порака до здравствените работници: Ви го честитам денот и ви благодарам за сѐ што правите да ја надминеме кризата

7. април е денот кога се слави здравјето и здравствените работници кои особено во овие критични моменти нѐ потсетуваат колку е голема нивната улога во животот на секој од нас. По тој повод, министерот за здравство Венко Филипче им се обрати на сите здравствени работници во нашата земја:


„Драги колеги здравствени работници,

Ви оддавам посебно признание за клучната улога која ја имате во здравствената нега и грижата за нашето здравје. Вашиот труд и пожртвуваност спасуваат животи и токму заради вас луѓето веруваат дека ќе бидат безбедни и здрави.

Сега, здравството и здравствените работници се клучниот столб во државата. Верувам дека секој од вас знае колку е важно да издржиме, да останеме посветени, сконцентрирани и да дадеме се од себе да им помогнеме на нашите сограѓани. Да издржиме со справувањето со коронавирусот во земјава.

Овој ден е ваш ден, вие сте на пиедесталот. Бидете горди на тоа што го работите, на тоа кои сте и колку сте значајни за секој од нас. Ви го честитам денот на здравјето и здравствени работници искрено ви благодарам за се што правите да ја надминеме кризата.“




Коментари

[fbcomments]