Категории

Животни совети кои дамите во 40-тите им ги порачуваат на оние во своите 30-ти години

Важни животни совети кои морате да ги знаете

Кога жена ќе влезе во четириесеттите, особено ако е и мајка, и горда е на сето она што го постигнала, сигурно има многу успеси, искуства во животот за кои можеби во раните години никој не можел да ги забележи.
Веројатно многу нешта би ги повторила, но и променила. Зошто е битно да се сакате себеси, зошто треба да простувате? Убавината е во уживањето во малите нешта, а мудроста е таа која го краси животот.

Еве што им порачуваат дамите во своите 40-ти на оние кои се во своите 30-ти:

Сакајте се себеси и прифатете се онакви какви што сте
Кога сте млади, ако ги прифатите своите добри и лоши страни, можете полесно да избегнувате донесување на погрешни одлуки. Еднаш кога ќе научите да се сакате себеси, полесно ќе ги прифатите и другите. Ова е исклучително важно за да имате здрави односи со другите.

Збогатете ја својата душа
Ако сеуште не сте откриле што ве прави среќни или страствено сакате да работите, тогаш почнете да испробувате нови нешта, испробувајте различни активности се додека не најдете нешто што ви дава чувство на слобода и инспирација.

Најдете поддршка
Веројатно се обидувате самите да ги решавате проблемите, со многу малку или без ничија помош. Години подоцна ќе сфатите дека е многу важно да имате пријатели и членови од семејството кои ќе можат да ви помогнат и да ви пружат поддршка во сите подрачја од вашиот живот. Не ги решавајте сите проблеми сами, побарајте помош и поддршка кога знаете дека некој сигурно ќе биде ваша поткрепа.

Бидете искрени
Кога ќе се соочите со некои потешкотии, немојте да носите лажна насмевка на лицето правејќи се дека се е во ред. Искреноста е најдобра доблест а откривањето на вашите проблеми на другите ќе ве направи искрени.

Живејте за себе а не за другите
Немојте поголемиот дел од времето да го поминувате во грижа за останатите, така што ќе се запоставите себеси. Животот ќе ви стане тежок поради тоа. Запомнете дека никогаш нема да можете во потполност да им угодите на другите нити до крај да ги усреќите. Останете верни на себеси и започнете да донесувате одлуки кои ќе ве усреќуваат вас.

Не прифаќајте компромиси
Сите имаме различни желби и потреби затоа компромисите се неизоставен дел од секоја врска. Но, запомнете, компромисот е добар се додека двете страни го прифаќаат. Ако сеуште ги ставате туѓите желби пред вашите, време е да поставите ново прашање: дали вашата врска е вредна за сето тоа?