ЗОО Скопје започнува кампања за разубавување на зоолошката. Потребни се графитчии, уметници и креативци!

Зоо Скопје започнува со кампања која ќе трае до 30. март за разубавување на зоолошката, како и збогатување на реквизитите за животните. Секој кој е креативен, сака животни, или пак поседува нешто кое може да го подари е добредојден да помогне.

„Графитџии кои би ги разубавеле ѕидовите, уметници кои би ги развеселиле патеките, скулптори кои би ни направиле статуетки животни, креативци кои би изработиле играчки и реквизити за животните, општествено одговорни компании кои би донирале алат или други средства за одржување на зоолошката, одгледувачи кои би подариле цвеќе и дрвца, хуманитарци на кои веќе не им се потребни старите транспортери и кафези за мали животни… Сите сте добредојдени!
Ајде заедно да ја разубавиме Зоолошка градина Скопје. Затоа што е наша, заедничка на сите!
Кампањата ќе трае до 30 март, а секој кој ќе придонесе за новиот имиџ на Зоолошка ќе добие табличка со своето име на ѕидот на пријателите и помагачи на Зоо Скопје“, велат од ЗОО Скопје.




Коментари

коментари