Интуицијата е повеќе од внатрешно чувство или претчувство, тоа е посебна внатрешна моќ којашто на некој начин ни дава увид за одредени ситуации.
Секој човек поседува одредена доза на тоа внатрешно чувство, но некои луѓе навистина се истакнуваат.
Тие луѓе имаат необични карактеристики коишто се показатели на високо ниво на интуиција, а дали сте и Вие меѓу нив дознајте во продолжение:
- Луѓето со високо ниво на интуиција се полни со емпатија. Тие се способни да почувствуваат, да ги разберат чувствата, мислите и искуствата на другите. Лесно можат да ги забележат промените коишто се случуваат кога други луѓе зборуваат како на пример промена во тонот на нивниот глас, изразот на лицето и слично. Тие се одлични слушатели и се сметаат за едни од најдоверливите луѓе.
- Доколку имате живописни соништа полни со детали, голема е веројатноста дека Вие припаѓате во групата на луѓе со високо ниво на интуиција. Овие соништа понекогаш можат да бидат толку реални, што луѓето често се прашуваат дали ова е реално или е само сон.
- Високоинтуитивните луѓе често помунуваат време сами и тие тоа навистина го ценат. Тоа не значи дека тие не уживаат во друштвото на другите, едноставно им треба време и простор да ги процесираат и разберат чувствата.
- Да се биде чувствителен/на на околината е уште една карактеристика на високоинтуитивните луѓе. Тие често забележуваат каква е атмосферата во просторијата, какво е расположението и слично.
- Високоинтуитивните луѓе често не знаат да објаснат зошто направиле вака или онака и едноставно одговаараат дека им веруваат на нивните внатрешни чувства и сигнали. Тие внатрешни чувства се всушност сложени процеси коишто се одвиваат во нашите мозоци и се донесуваат брзи одлуки врз основа на минати искуства и знаци од животната средина.
