Мислевте дека само работата и улицата се извор на стрес. Понекогаш нашите домови, кои треба да бидат оаза на мирот, можат да ни предизвикаат стрес. Ако сакаме да го избегнеме тоа, треба да обрнеме внимание на следниве работи.
Неред
Лошата организација и нередот, како што е расфрланиот кревет и неисперени садови, обично предизвикуваат стрес, вели Сесил Аренс, психотерапевт кој води подкаст за ментално здравје. Марк Ловен, терапевт и основач на советување за LaunchPad, претходно изјави дека нередот им дава на нашите умови повеќе визуелни информации за обработка.
„Ослободувајќи простор, му давате пауза на вашиот ум“, рече тој.
Затоа Аренс одржува минимален хаос во својот дом и редовно решава „работи што се искинати, повеќе не и служат или не и носат вредност во животот“.
Недоволно осветлување
Терапевтот Вина Калинс вели дека понекогаш е тешко да се направат некои работи во простории каде што нема доволно светлина, а проблемот може да биде премногу силна сијалица, која не може да се затемни.
„Важно е да се разбере функцијата на секоја соба и да се купи соодветно светло за секоја од нив. Додавањето светло во темни простории може да го намали стресот што може да го создадат ваквите простории“ – рече таа.
Аренс додаде дека е важно да имате многу сончева светлина, а исто така советува и тонови на зелена боја, кои смируваат.
Преполн простор
Распоредот на просториите во домот понекогаш е клучен во тоа колку простор може да генерира стрес.
„Отворените простори можат да ни помогнат да се опуштиме, додека тесните и малите простории, особено ако сè уште немаат прозорец, можат да бидат причина за вознемиреност и да предизвикаат напади на паника“, вели Аренс. Ако живеете во област со многу малку природна светлина, не заборавајте да поминувате некое време надвор на сонце секој ден.
Одмарате и работите на истиот простор
„Во текот на минатата година на многумина им стана тешко да го одделат работниот и приватниот живот, а исто беше и просторот за работа за сите оние кои започнаа да работат од дома. Важно е да се направи посебен простор за работа дома, што не е истиот во кој нормално одмарате или спиете затоа што не сакате вашиот мозок да го поврзува местото каде што одмарате со стресот од работа“ – изјави терапевтот Ариел Санк.
Чувате стари и истрошени работи„
Застарен декор и истрошен мебел можат да бидат предизвикувачи на стрес. Кога ќе се опкружиме со работи што не изгледаат смирувачки, едноставно нема да бидеме пријатно на таков простор – предупреди Аренс.
Не исклучувајте го телевизорот додека го гледате
„Не сите звуци се непријатни или стресни, но треба да обрнете внимание на оние што не прават да се чувствувате пријатно“, вели Аренс. Таа објасни дека можеби ќе останете со ТВ-уредот на кој се вклучуваат вестите додека правите нешто сосема друго и дека ова може да биде предизвикувач на стрес, за кој можеби не сте ни свесни.
„Направете експеримент, обидете се да направите нешто додека ТВ е вклучен во позадина, а потоа сторете го истото додека е исклучен. Ќе видите дека ќе се чувствувате подобро ако не слушате во позадина колку нови пациенти има или нешто слично. Ако ви требаат некои звуци додека работите, пуштете смирувачка музика“ – заклучи Ловен за Инсајдер.
