Во младите е иднината, а доколку сите млади вака размислуваат, нема да треба да се грижиме за иднината.
Ова 8 годишно девојче ќе ве натера да размислите за сериозни проблеми на општеството, кои можеби никогаш не ви ни паднале на памет.
Родовата нееднаквост е голем проблем во општеството, а решението на големите општествени проблеми е преку будење и подигање на свеста за постоењето на таа појава.
Ова девојче зборува за разликата на машката и женската детска облека, а всушност говори за еден цел спектар на нерамноправности на кои се изложени жените во било која фаза во животот.
Облеката навидум е банално прашање, но ова девојче се прашува зошто облеката на девојчињата е проста и едноставна, со натпис како „Hey!“, а машката е со натписи кои будат размислување, го потикнуваат авантуристичкиот и истражувачки дух.
Девојчето се прашува зошто улогата на жената е да биде фигура во општество водено од мажите, а дали рамката на таквото однесување е потикната и од едноставно нешто како натпис на маица.
Веројатно погодивме дека никогаш не сте размислувале на оваа тема, се надеваме дека ова девојче ви беше инспирација да размислите, да ја согледате околината и да се трудите да правите промени, да барате и давате рамноправност во општеството.
МЃ
