Серена Вилијамс се вери со Алексис Оханијан. 35-годишната успешна тенисерка ја сподели среќната вест со поема кој ја објави на Reddit.
Во неа, славната спортистка пишува дека нејзиниот сакан ѝ организирал романтично патување во Рим, каде го постави важното прашање.
„Дојдов дома. Малку доцна. Некој ми ја имаше спакувано торбицата и пајтон ме чекаше надвор. Дестинација: Рим. За да ме придружува до мојот „шармантен“. Назад каде што нашите ѕвезди се судрија. На истата маса каде првпат се сретнавме случајно. Овој пат не случајно, туку по избор. На едно колено, тој рече четири зборови. Јас реков ДА“ – напиша Серена во поемата.
„Ме направи најсреќниот маж на планетата“ – ѝ коментираше Алексис на постот.
I said yes from isaidyes
Вилијамс ја сподели и следната фотографија.
Серена и 33-годишниот коосновач на Reddit ја потврдија својата врска пред јавноста во октомври 2015 година.
