Матуранти од гимназијата во Пирот уплатиле 85.000 динари за да помогнат на дете на кое му е потребна итна операција. Децата на кои цел регион може да биде горд, се откажале од одењето на матура со тоалети и скапи одела, и парите ги дале за некој на кој помош му е најпотребна, а исто така му купиле и многу играчки. Му купиле џоистик за играње и слушалки, кои тој изјавил дека многу сака да ги има.
Министерството за образование на Србија упати писмо со поддршка до матурантите за хуманиот потег.
