Мостот од стакло висок 120 метри на работ на еден амбис на југозападот на Кина влезе во Гинисовата книга на рекорди како мост без поддршка бидејќи е поврзан само со кабли, пренесуваат кинеските медиуми.
Мостот долг близу 70 метри може да прими најмногу 30 луѓе, а беше свечено отворен на 1 април.
Кинезите привлекуваат туристи со стаклените мостови.
Во таа земја минатата година беше отворен најдолгиот стаклен мост кој беше инспирација за научно-фантастичниот филм „Аватар“, на режисерот Џејмс Камерон.
Мостот со должина од 430 метри се наоѓа 300 метри над земја и е сместен помеѓу два парка во кинеската провинција Хунан.
Локацијата на мостот беше инспирација за „лебдечката планина“ што се појавува во филмот „Аватар“ од 2010 година.
Извор: Макфакс
