Верувале или не, буритото од пржен грав е официјално најпопуларниот оброк за 2018. година. Ви го претставуваме рецептот кој ќе ве увери зошто ја носи токму ова јадење ласкавата титула!
Состојки:
- половина главица кромид
- 1 чешне лук
- 1 лажичка масло
- 500 г грав од конзерва
- 1 лажичка чили (по желба)
- 120 г чедар сирење исечкано на коцки
- 300 г зелена пиперка
- 1-2 прстофат сол
- 6 тортиљи и додатоци по избор (рендан кашкавал, сечкан домат, салса сос…)
Подготовка:
Загрејте масло во тавче средна големина, па додадете ги исечканиот кромид и пржите околу 3-4 минути на умерена температура. Мешајте повремено, сѐ додека кромидот не стане проѕирен. Додадете изгмечен лук и пржете уште минута до две.
Додадете го гравот, помешајте и пржете додека гравот не фати тенка кора. зачинете со чили, додадете чедар, измешајте и динстајте уште 3-4 минути на умерена температура. Потоа, додадете исечкана пиперка, посолете по вкус и мешајте, нека крчка уште неколку минути.
Ако користите готови тортиљи, загрејте ги на рингла или во микробранова, па ставете 1-2 полни лажички од смесата на секоја. Одозгора ставете додаток по желба. Замотајте го буритото и уживајте во феноменалниот вкус на оброкот на годината!
