Вкусна чорба од цвекло која е благодет за вашиот организам!
Состојки:
- 3 цвекла средна големина
- 1 компир средна големина
- 1 морков
- 1 праз или кромид
- по желба малку пилешка супа
- 1/4 лажичка лук во прав
- сол по вкус
- 1 лажичка бел бибер
- маслиново масло по потреба
- малку кисела павлака за послужување
Подготовка:
Празот или кромидот добро измијте го и исчистете го, па исечкајте го. Морковот измијте го, исчистете го и изрендајте го. Во загреано тавче ставете маслиново масло и пропржете го празот и морковот.
Цвеклото и компирот добро измијте ги и ставете ги да се варат со лушпа. Варени излупете ги и сечкајте ги на коцки, додадете ги во празот и морковот, измешајте, па ставете ги во блендер. Додадете лук во прав, бибер, сол и бистра пилешка супа онолку колку што сакате да биде густо/ретко.
Сето тоа измешајте го и послужете со кисела павлака.
