Коктелите со кои ќе го „зачините“ ова лето може да ги направите и сами. Ви ги предложуваме: Куба Либре, Мохито и Пина Колада.
Мохито
- сок од половина лимета
- 8-9 листови нане
- 2 лажички кафеав шеќер
- 50 мл бел рум
- 1 дл сода или кисела вода
- лед, во коцки или дробен
- парчиња лимета
- листови нане за украсување
Во висока чаша ставете го сокот од половина лимета, листовите нане и шеќер. Со дрвен толчник притиснете ги листовите од нане за да пуштат арома. Потоа додадете го белиот рум, мразот до две третини на чашата и неколку пати промешајте ги состојките. Ставете ја содата или водата до врвот на чашата, промешајте уште еднаш и декорирајте со парчиња лимета, нане и послужете со една или две подебели сламки.
Куба Либре
- 10 мл сок од лимон
- 50 мл бел рум
- кока-кола
- 4-6 коцки лед
- парче лимета за декорација
Ставете ги коцките лед во висока чаша, па одозгора ставете го сокот од лимон и белиот рум и додадете малку кока-кола до врвот на чашата. Декорирајте со лимета и послужете со две дебели сламки.
Пина Колада
- 25 мл кокосово млеко
- 100 мл сок од ананас
- 30 мл бел рум
- 30 мл темен рум (или повторно бел ако немате друг)
- кандирана цреша
- триаголник свеж ананас за декорација
- коцки лед
Во блендер ставете неколку коцки лед, додадете рум, сок од ананас и кокосово млеко, па добро изматете на најсилна брзина. Ставете го пијалакот во висока или округлеста чаша и украсете ја со црешата и триаголното парче свеж ананас.
