Овие енергетски бомбици можат да послужат како одлична закуска за оние што често вежбаат.
Бомбиците од цвекло се препорака од Оливија Куни, фитнес тренер кој работи со познати личности.
Состојки:
- 1 варено, изладено цвекло (приближно 75 g)
- 75 гр овесни снегулки
- 100 гр урми
- 2 лажици путер
- 3 лажици какао во прав или некој протеин во прав
- 1 лажица мед
- 1 лажичка есенција од ванила
- малку сол
Подготовка:
Изрендајте го и исцедете го цвеклото. Ставете го заедно со урмите, путерот и медот во блендер и блендирајте додека убаво не се соединат. Потоа додадете ги овесот, какаото, ванилата и солта и измешајте за да се соединат состојките. Со влажни раце, обликувајте ги бомбиците и по желба извалкајте ги во омилените семиња, кокосовото брашно, какаото во прав… Ставете ги во ладилник 10 – 15 минути пред сервирање. Чувајте ги во ладилник.
