Светот на медицинските професии е место каде фразата “Понежниот пол” исчезнува под тежината на секојдневните женски херојства. Оние на докторките, професорките, хигеничарките, сестрите, болничарките – секоја од нив борец со уникатна супер моќ.
Да си дел од оваа средина значи да си опкружен со жени чија безрезервна посветеност,истрајност, храброст и љубов вложена во професијата се локомотива на големите и мали чуда, здравјето и насмевките на пациентите. Тука борбата за еднаквост, рамноправност и разбирање се води катадневно, преку соработка и помагање, и чекорење рамо из рамо во професионалните подвизи.
Со желба да ја споделиме со Вас нашата инспирација и да го прославиме едниот од 365те денови на жената тимот од ММСА (SCORA) ја претставува оваа видео компилација од честитки за празникот 8ми Март!
