Ќе бидете изненадени од фактот колку познати селебрити личности ги спасиле своите миленици од улица или ги присвоиле од центар за згрижување на бездомни животни.
Џенифер Анистон, Селена Гомез, Рајан Рејнолдс, Арнолд Шварценегер.. листата продолжува. Сите тие имаат еден или повеќе миленици кои често ги фотографиират и ги споделуваат на своите социјални мрежи.
Ви споделуваме листа од сите познати ѕвезди и нивните крзнени пријатели.
Рајан Рејнолдс и Бакстер
„Само што го видов овој голем ретривер како се гледа во мене и во истиот миг му реков – Еј, ајде да бегаме од овде! А тој веднаш скокна и истрача по мене. Од тогаш сме неразделни“
Крис Еванс и Доџер
Крис го запознал Доџер во центар за згрижување на бездомни животни кој бил употребен како локација за снимање на еден од неговите филмови. Тој отпрво не знаел дека тоа не биле тренирани животни туку згрижени бездомници. Тој се вљубил во Доџер на прв поглед и одлучил да го присвои.
Зек Ефрон и Мача
Зек го спаси пит-булот Мача од еден пет шоп во Лос Анџелес. Мача требала да биде еутанизирана но Зек одлучил да и даде дом.
Селена Гомез и Вини
Селена обожава кучиња и веќе има присвоено 7 бездомни, помеѓу кои Вили, Бејлор, Чип, Чаз, Волис, Фина и најновиот член кој неодамна се придружи во нејзиното семејство е Вини на фотографијата.
Арнолд Шварценегер и Дач
Шварценегер го присвои 1-годишното куче Дач во текот на пандемијата. Тој го именува по еден од од своите ликови во филмот Predator.
Ева Мендез и Лучо
Таа и нејзиниот сопруг Рајан Рејнолдс неодамна изјавија дека во нивното семејство се придружи нов член, кучето Лучо кое го спасија од центарот Friends For Life Rescue.
Џенифер Анистон, Клајд и Лорд Честерфилд
Анистон изјави дека неодамна и се придружи нов член во нејзиното семејство а тоа е куче кое го именува Лорд Честерфилд. Таа има уште две кучиња – Клајд и Софи.
Тејлор Свифт и Бенџамин
Бенџамин батон е омилениот мачор на Тејлор. Таа го запозна Бенџи како што обожава да го вика нагалено за време на снимањето на еден од нејзините музички спотови. Таа толку се вљуби во него што одлучи да го присвои.
Аманда Сејфилд и Фин
Додека работеше на сетот на Big Love, Аманда најде бездомно куче кое го зеде со себе и го именува Фин. Таа изјави дека откако го присвои Фин, подобро се справува со анксиозноста а не се сомневаме дека Фин сега е многу посреќен откако има свој дом.
Шарлиз Терон, Џони Утах и Беркли
Терон води активна пропаганда за правата на животните поседувајќи фарма во Јужна Африка. Таа работи со бројни организации за правата на животните и има присвоено доста бездомни кучиња помеѓу кои се Џони Утах и Беркли кои можете да ги видите на фотографиите. Првото бездомно куче кое Шарлиз го присвои е Такер во 2001-та.
Ен Хатавеј, Кеноби и Есмералда
Оваа година Хатавеј присвои териер по име Кеноби. Тој му се придружи на Есмералда. Ен го именува Кеноби по нејзиниот омилен лик од франшизата Star Wars.
Дру Баримур, Даглас, Лаки и Пич
Баримур е исто така голем обожавател на животни. Во 2017 таа го спаси Даглас кој го пронајде напуштен во полињата на Сан Фернандо, потоа таа и нејзините ќерки одлучија да присвојат и мачка, но наместо една тие присвоија три – Лаки, Пич и Ферн.
