Исклучително едноставен и брз за подготвување, овој оброк ќе ве воодушеви.
Ако сакате вашиот последен оброк во текот на денот да биде обилен, вкусен но и здрав, имаме идеален предлог за вас.
Запечен карфиол со компир и кашкавал е комбинација која се подготвува неверојатно лесно.
СОСТОЈКИ:
- 500 гр. компир
- 200 гр. карфиол
- 150 гр. рендан кашкавал
- 500 мл. млеко
- 1 лажичка мускатно оревче
- сол и бибер
- малку магдонос
ПОДГОТОВКА:
Излупете го компирот и исечете го на ситни коцки, па ставете го во плех. Потоа рачно одвојте го карфиолот на парчиња па додадете го во парчињата компир. Ставете половина литар млеко, додадете сол, бибер и мускатно оревче па потоа измешајте го целото јадење.
Потоа преку се додадете и рендан кашкавал. Печете во рерна на 160 степени околу 15 минути. Кога јадењето готово, додадете и малку магдонос.
Пријатно!
