Судот во Пекинг, кој се занимаваше со тужби за развод, еднаш му наложи на сопругот да и плати на сопругата за домашните работи што ги правеше за време на бракот.
Според пресудата, жената ќе добие 7.700 УСД за пет години неплатена работа. Пресудата привлече големо внимание во јавноста и предизвика дебата на Интернет за вредноста на домашните обврски, а некои сметаат дека оваа бројка е прениска. Според судските записи, маж со презиме Чен минатата година поднел барање за развод од сопругата Ванг, а парот се венчал во 2015 година.
Прво, таа не сакаше да се разведат, но потоа побара финансиски надомест, тврдејќи дека Ченг не и давал поддршка кога станува збор за домашните работи и обврските во врска со нивниот син. Судот во Пекинг пресуди во нејзина корист и му наложи на човекот да плаќа алиментација по 309 долари месечно.
Оваа одлука на судот е резултат на новата донесена регулатива, која стапи на сила оваа година. Според законот, на брачниот другар му е дозволено да бара надомест на штета за време на развод, ако има поголема одговорност во воспитувањето на детето, грижата за постарите роднини и помагањето на партнерите за време на нивната работа.
Претходно, разведените сопрузи и сопруги можеа да го побараат само ако првично беше потпишан предбрачен договор, што инаку е реткост во Кина.
