Викендов се возеа последните две трки од БМУ Европскиот шампионат во брзински моторциклизам! Нашиот натпреварувач Христијан Бузалковски (71 Теам) успеа да оствари две победи на двете трки и заслужено да дојде до втората БМУ Европска титула!
Покрај тешката сезона, со многу падови и проблеми за нашиот моторциклист сепак сезоната заврши на најдобар можен начин, со остварени две победи и најбрз круг во неговата класа!
„Конечно извозевме трки онака како што планиравме! По напорна сезона исполнета со падови и дефекти со моторот успеавме да оствариме одличен резултат! Две победи на последните две трки и освојување на шампионатот е она што го посакувавме и ни беше потребно, да ја завршиме сезоната на најдобар можен начин и да ни даде силен мотив за следната! Огромна благодарност до моите спонзори, мојот тим, семејството, и сите вие кои што ме поддржувате и кога губам и кога победувам!“, изјави Бузалковски.
