Ова пикантно чудо мора да го пробате!
Состојки:
- црвени лути пиперки – 10-12 парчиња
- кромид- 1 главица
- лук – 2 чешниња
- ладна вода – 125 мл
- бел вински оцет – 80 мл
- бел шеќер- 450 гр
- лимунов сок од еден лимон
Подготовка:
Ги чистиме лутите пиперки од семките и дршките, а потоа го лупиме кромидот и лукот. Ги ставаме со вода во блендер и пасираме додека не добиеме хомогена смеса.
Ја ставаме смесата во тенџере а може и во длабоко тавче со дно кое не лепи и додаваме оцет, шеќер и сок од лимон. Оставаме на рингла на средна температура и мешаме додека не се стопи шеќерот.
Ја зголемуваме температурата и кога ќе проврие повторно ја намалуваме и оставаме џемот да врие на тивок оган околу 40 минути додека не згусне.
Го ставаме во мали тегли, кои веднаш ги затвораме и го вртиме со поклопецот надолу.
Не е неопходна стерилизација.
