И момците се подготвени да направат разни компромиси ако препознаат дека поред себе ја имаат жената на својот живот.
Кога ќе им се поклопат коцките да им дојде вистинската жена во животот и кога ќе сакаат промена, промените ќе бидат евидентни.
Од што ќе се откаже секој маж поради вистинската жена:
Своето его
Машкото его е најизразено во дваесеттите години и токму таму треба и да остане. Со годините доаѓа и свеста дека има уште многу работи кои може да се научат, а вистинската жена им носи свежа перспектива и различен поглед кон животот.
Потребата секогаш да бидат во право
Ситните кавги не се ништо ненормално. Во такви ситуации паровите мора да се флексибилни и подготвени на компромис во спротивно, може да настанат големи проблеми.
Незрелост
Аверзијата кон романтиката е нешто кое треба да остане во тинејџерските години. Кога градите темелна врска морате да го прилагодите својот пристап кон нештата. Успешните парови функционираат добро и како тим и како поединци.
Краткорочно размислување
Во младите денови живееле од ден за ден, но откако ќе влета вистинската жена во нивниот живот, тогаш започнува времето кога треба да размислуваат долгорочно. Жените знаат колку е тешко да го планираат животот со некој кој нема никаков план ниту замисла за себе.
Лошите навики
Можеби премногу пушат, пијат, не се грижат за здравјето, трошат пари на глупости, одат по обложувалници… Вистинската жена нема да ги спушти високите критериуми, без разлика на тоа колку го сака своето момче. Затоа тие ќе станат одговорни и стабилни.
