Кејли Конвеј (28) од Велика Британија вели дека не ја испрала косата со шампон и регенератор од минатиот март, а наместо тоа користи алтернативни методи како сода бикарбона и јајца. Вели дека косата никогаш не и изгледала подобро и дека и расте побрзо, посгуста е и многу посјајна од порано.
Во својот блог “Blue Jeans White Tea” се залага за враќање на природните методи за разубавување и одржување на хигиената, а вели дека животната промена не и донела само олеснување и подобар изглед, туку и значителна заштеда на пари.
Кејли работи маркетинг во една приватна компанија и често се среќава со клиенти, па уредниот изглед и е многу важен, а смета дека токму маркетингот и рекламите на луѓето им ја наметнале идејата за она што треба да го користат и купуваат за убавина.
Покрај шампон и регенератор, повеќе не користи и средства за стилизирање, како фен, пегла или фигаро. Пред овие методи немала некои посебни проблеми со косата, освен тоа што често ја рамнела и користила регенератор за да не и биде премногу оштетена, а тоа и ја мрсело косата почесто.
После осум недели немиење со шампон и регенератор имала криза бидејќи косата и била исклучително мрсна, но после тоа почнала да изгледа се подобро.
Користела кокосово масло и гел од алое вера за косата, но открива дека сега најдрага мешавина и е белата глина за миење на косата.
https://www.youtube.com/watch?v=b8ajKzkBCUg
