Познатиот музичар, артист и композитор почина на 57-годишна возраст во своето музичко студио.
Принц беше хоспитализиран минатата недела откако неговиот авион принудно слета во Молин, Илионис. Тој беше пуштен по неколку часа, а претставник изјави дека се борел со лош грип.
Еден од најпознатите музичари во музичката историја, богатата кариера на Принц започна во неговиот роден град Минеаполис, каде што тој живееше целиот свој живот. Неговиот деби албум од 1978 година наречен “For You”, како и вториот албум наречен “Prince” го направија мега-популарен, а неговата популарност продолжи со “1999”, “Purple Rain”, “Around The World In A Day”, “Sign O The Times” и “Batman”.
Во 1984 година, “Purple Rain” – неговиот прв број 1 албум на Билборд 200, издаден заедно со филмот со истото име, го направи Принц еден од најголемите артисти на својата генерација, освои две Греми награди, како и Оскар и победа над “Thriller” на Мајкл Џексон за најдобар поп/рок албум на Американските музички награди во 1985 година. Попатно, Принс работеше со неколку бендови под различни псевдоними, како The Time, New Power Generation и The Revolution, како фронтмен и продуцент.
За време на неговата 35-годишна кариера, Принц издаде 39 соло албуми и никогаш не престана да објавува нов материјал; во септември 2014 година тој издаде четири нови албуми со својот последен бенд, 3rd Eye Girl, постојано ексериментирајќи со психоделичен рок и интергалактичен фанк.
