Составот Авторизација од Велес и Св. Николе, веќе 8 години активно е низ водите во Рап движењето во Македонија. Сите овие години Авторизација работеше во свој стил, но сè што има пуштено во етер се повеќе синглови, повеќето аудио, а некои со видео запис.
Оваа 2016 година Авторизација ја одбележува со тоа што најавува да излезе прв студиски албум во етерот насловен “УБИТОН”.
Пред неколку дена премиерно го промовираа својот нов видео запис за песната УБИТОН која воедно е носечка од албумот.
Албумот со себе носи 17 песни, истите до сега не се издадени никаде така да со овој албум ќе имате можност да преслушате која е целта во нивните не секојдневни теми.
Момците најавуваат незаборавна промоција на својот албум, проследена со повеќе изненадувања на 29.04.2016 на Велики Петок во 21:00ч во PUB, Велес.
Вечерта покрај албумот, премиерно ќе се испромовира и нивниот втор видео запис за песната “БЕЗУСЛОВНО”. Воедно на настанот ќе може да се купат маичка со логото на АВТОРИЗАЦИЈА, логото од албумот и line up-от со песните на него.
Албумот ќе чини 200 денари, но вечерта промотивно ќе може да го купите за 150 денари, а се секој купен албум добивате гратис стикер со логото од АВТОРИЗАЦИЈА.
Добивме информација дека во овој проект имаат придонесено и други познати имиња како што се Диџеј Гоце САФ, Диџеј Страјк од Легијата/СТР2, Ангело од СКЦ, Диџеј, Диџеј Popeye Темелко Андреев и Дарко Спасевски од Impact Production.
Миксот и Мастерингот е во рацете на Темелко Андреев, а во две од песните од албумот миксот и мастерингот го сработи Гоце САФ.
Не заборавајте, 29.04.2016 промоција во Велес во PUB.
