За многу луѓе, станувањето од кревет претставува следење на некаква рутина. Дел од нив стануваат велејќи си дека можат да поспијат „уште пет минути“ и да си легнат пак. Други го ресетираат алармот за подоцна. Но одредена група на луѓе можат да станат веднаш, итоа без проблем.

Фитнес тренерот, Крег Балантајн, пишува блог за здрава исхрана и добар сон. Тој ја применува т.н. формула „10-3-2-1-0“, благодарение на која секој може да добие доволно сон и да се разбуди следниот ден полн со енергија. Смета дека идеалниот сон се планира уште преку ден, што значи дека треба да се подготвувате пред да ги изгасите светлата.

10 часа пред спиење

Потребни се токму 10 часа за крвотокот да се исчисти од стимуланти кои содржат кафеин. Тоа значи, одбегнувајте кафе, зелен или црн чај, Кока кола, енергетски пијалоци и чоколадо.

3 часа пред спиење

Последниот оброк не треба да биде консумиран поскоро од три часа пред легнување во кревет. Вашето тело користи складирана енергија за да се отстраните од вишокот храна, а истото важи и за алкохолот. Во овој случај, наредното утро ќе се чувствувате како да сте ја поминале вечерта работејќи во рудник.

2 часа пред спиење

Од овој моментн, не работете и не мислете на работа. Оставете го тоа за утре. Верувајте – нема да ви избега.

1 час пред спиење

Тргнете ја помислата да гледате телевизија, компјутер или екранот на вашиот телефон. Колку и да сакате да проверите што има ново на Фејсбук, Твитер или Е-маил, не го правете то. Дајте им прилика на вашите очи да одморат.

0 минути пред вашиот аларм

Бзззз! Исклучете го алармот и веднаш одделете се од вашиот кревет. Не си дозволувајте да паднете во искушение да стискате „Snooze“. Станувањето веднаш по алармот ќе ви помогне тоа да ви стане навика.