Почетокот на врската е навистина најубав. Тоа е период кога се запознаваме со партнерот, го запознаваме неговиот карактер, неговите навики, желби, хоби. Со секое гледање со него „се будат пеперутките во стомакот“, се чувствуваме среќни, весели и исполнети.
Но, постојат и парови кои на почетокот на врската се однесуваат поинаку, што гледано од страна не изгледа воопшто убаво.
Многу парови веднаш по нивното официјализирање на врската, истото го објавуваат на социјалните мрежи. Но, дали знаете дека двојките кои не споделуваат фотографии и статуси на Facebook се многу посреќни? Потрудете се интимните моменти да останат само за вас.
Иако многу парови се само една недела во врска, многу од нив ги покажуваат емоциите во јавност и кога се во друштво. Иако почетокот е најубав, сепак, некои работи паровите треба да ги прават кога ќе бидат сами.
Уште на почетокот на врската, двојките започнуваат да си споделуваат слатки прекари еден на друг. Но, навистина не звучи убаво кога цела вечер ги слушаме прекарите како „маченце“ и „зајче“.
Многу парови уште на самиот почеток зборуваат за себе во множина како да се заедно цела вечност. Понекогаш потребно е да помине време за да се запознаете подобро пред да преминете на „ние“.
