Веруваме дека барем еднаш во животот сте налетале на прекрасното лице и тело на овој манекен, но можеби не сте го знаеле неговото име.
Тој се вика Јунес Бенџима, има само 23 години, а неговиот егзотичен изглед привлече бројни жени ширум светот на неговиот Инстаграм профил, но и славната манекенка и поранешен ангел на “Victoria’s Secret” Џордан Дан, со која е во врска во последниве неколку месеци.
Парот се запознал во мај 2015 година на забавата после МЕТ гала вечерата, а својата љубов не ја кријат, па често објавуваат романтични фотки на социјалните мрежи.
Јунес е инаку поранешен боксер, а денес многу успешен манекен, со потекло од Алжир.
Згодниот манекен беше “откриен” во 2011 година, а моментално живее на релација Њујорк – Париз. Токму на улиците на “градот кој никогаш не спие” бил забележан, а стана популарен поради својата сличност со фудбалерот Кристијано Роналдо.
Инаку, тој е познат и по своето блиско пријателство со пејачката Рита Ора, која му беше партнерка на МЕТ Гала вечерта, каде ја запозна 25 годишната Џордан.
Досега ги носеше моделите на бројни познати модни куќи, како на пример Мисони и Живанши, а веруваме дека ќе го гледаме овој убавец уште повеќе во иднина.
