Автомобил Mercedes Benz 500 SEC AMG модел произведен во 1985 година се продава за 57 000 долари на интернет.
Овој олд тајмер има поминато само 16 093 километри и буквално е во перфектна состојба, а се продава на популарниот сајт eBay за 57 000 долари. Автомобилот поседува 5.0 литарски V8 мотор кој произведува 230 коњски сили. Со моторот е поврзан четворостепен автоматски менувач кој бил многу редок за тоа време и ја зголемува вредноста на автомобилот.
Овој автомобил не поминал низ никакви механички модификации, но има оригинални AMG каросериски делови. Предниот и задниот браник и вшмукувачите за воздух се дополнително додадени на автомобилот, затоа што овој автомобил оригинално не содржел такви делови, но бидејќи се работи за оригинални AMG делови, вредноста на овој автомобил не е загрозена.
Ентериерот е во неверојатна состојба и кога би седнале во автомобилот не би можеле да поверувате дека е направен во 1985 година.
Мерцедесот се уште не е продаден.
