Најголемата заводничка во „Сексот и градот“, Саманта Џонс во оваа серија успеа да ја смири само еден маж – згодниот и млад Смит Џерод.
Благодарение на улогата во „Сексот и градот“, во која повеќе беше гол отколку облечен, актерот и модел Џејсон Левис, на почетокот на 2000-тите се стекна со голема популарност, а неговиот успех во приватниот живот е сличен со оној кој беше претставен преку неговиот лик. Тој на почетокот на својата кариера работел како келнер, а потоа станал успешен модел.
Од неговото прво појавување во серијата поминаа петнаесетина години, а на почетокот на серијата имал 32 години. По оваа серија, глумел и во други како „Како ја запознав вашата мајка“, но никогаш не успеал да го повтори успехот.
Џејсон денес има 46 години и сеуште има завидна фигура, но борите на лицето сепак го издаваат дека поминале петнаесет години од неговата прва голема улога. Актерот и понатаму води грижа за својот изглед, а во слободно време сурфа и свири гитара.
