Можеби ви делува неверојатно, но бројот на вашата куќа може да ја предодреди вашата среќа или животот и влијанијата кои ги имате.
Тоа не значи дека точно укажува што ќе ви се случува, туку само ги дава можните влијанија кои ќе ги чувствувате, свесно или несвесно, а зависно од тоа како ќе се справувате и носите, така ќе ви се одвива и животот.
Сепак, ако си го пронајдете бројот, можеби ќе сфатите зошто ви се случуваат некои работи во домот или како се чувствувате.
За да го одредите судбинскиот број на адресата потребно е да ги соберете цифрите додека не добиете едноцифрена бројка за која ќе го најдете описот.
На пример, ако живеете во зграда и во адресата имате број 25/6 = 2+5+6=13=1+3=4
Број 1
Овој број носи ознака на индивидуалност и оригиналност. Тие често имаат нови идеи, започнуваат нови проекти и преземаат ризици. Но, колку што е добар овој број на професионално и финансиско поле, толку помала среќа носи во приватниот живот. Поттикнува осаменост, критичност, неодлучност. Потребно е куќата да ја уредите со златна, портокалова и маслинесто зелена боја за да го зголемите позитивното влијание. Домашните треба да внимаваат на видот и циркулацијата.
Број 2
Овој број симболизира промени, па луѓето често се селат од оваа адреса. Има пријатна атмосфера на семеен дом, обично е едноставно место со доза на неуредност, а поттикнува плодност и заљубување. Луѓето кои живеат во него често работат од дома, а имаат интерес за технологија, патувања, алтернативна медицина и астрологија. Поради брзоплетост често носат лоши деловни одлуки и мора да почнуваат од почеток, а во односите се многу зависни од другите. За да го зголемат позитивното влијание, а да го намалат негативното би требало колку што може повеќе да го осветлат и да ги отстранат непотребните работи. Се предлагаат тонови како кафена, сива и беж. Домашните треба да внимаваат на проблеми со белите дробови, кожата и стомакот.
Број 3
Тој е симбол на ширење, обнова и подобрување. Луѓето кои живеат на овој број често се перфекционисти, љубезни и верни со оптимистички поглед на животот, но воздржани. Имаат изострена смисла за хумор и цврсти ставови за слободата, религијата и семејството. Знаат да се однесуваат екстравагантно и да ги трошат дури и парите кои ги немаат, па често влегуваат во финансиски проблеми. Имаат големо семејство, сакаат да уживаат во пороците, па често имаат и здравствени проблеми. Во нивниот дом се добредојдени сини тонови за да се зголеми позитивното влијание. Би требало да бидат порационални и попрактични, а во однос на здравјето, треба да внимаваат на прекумерната тежина, да ја проверуваат состојбата на срцето и хормоните.
Број 4
Куќата со овој број е комплицирано место за живот, бидејќи е симбол на конфликти. Две спротивставени сили кои се борат за стабилност и промена. Во овој дом постојано нешто се реновира, се менува и купува. Спротивставени темпераменти, духовитост, сочувство се чести појави овде. Овој број не е за оние кои се кревки на карактер и плашливи, туку повеќе е за оние кои се навикнати да функционираат под стрес и кои имаат сила да издржат многу работи. Важно е да ги одредат своите приоритети. За да го намалат негативното влијание на овој број се препорачува да имаат многу свеќи низ домот, цвеќиња и украси од стакло. Домашните треба да внимаваат на мигрена, депресивни мисли и проблеми со половината.
1 2
