Мафините денес се многу модерни, а за овој рецепт со кокос не ви требаат никакви скапи состојки!
Состојки:
- 120 гр путер
- 120 гр шеќер
- 1 кесичка ванилин шеќер
- 2 јајца
- 1 дл млеко
- 1/2 дл масло
- 100 гр кокос
- 150 гр брашно
- 1 кесичка прашок за пециво
- 1 кесичка шлаг
Подготовка:
Изматете го путерот со шеќерот и ванилиниот шеќер, додајте ги јајцата и матете додека смесата убаво не се изедначи, а потоа додадете го млекото и маслото. Мешајте додека не се изедначи, а потоа додадете го брашното со прашокот за пециво и кокосот. Истурете во подмачкани калапи за мафини и печете ги околу 15 минути на 200 степени.
По желба, украсете со шлаг или рафаело топчиња. Доколку сакате поинтензивен вкус, можете да додадете екстракт од кокос во смесата.
