Кога помеѓу партнерите постои доверба, љубов и разбирање, успешната и долга врска е загарантирана.
1.Во вашиот однос нема простор за љубомора
Љубомората е одраз на несигурност. Доколку не сте сигурни во чувствата на партнерот, меѓу вас ќе се создаде непотребна тензија и потреба за оправдување што на крајот ќе резултира со распад на врската. Ако во вашата врска постои разбирање и доберба, вие сте на добар пат кон долгорочно заедништво.
2.Се почитувате еден со друг
Како што не постои успешна врска без доберба, така е невозможно да се одржи врска во која едниот партнер не го почитува другиот. Заедничката почит е нешто кое треба да постои во секоја успешна врска. Воедно, почитта е нешто кое ќе ви дозволи да се развивате како пар и како индивидуи.
3.Врската ви е исполнета со убави и среќни мигови
Доколку еден со друг најпрво се гледате акко пријатели па потоа како љубовници, вашата врска е на прав пат. Чувството на поддршка и љубов е нешто кон кое треба да тежнеете секојдневно. Многу истражувања покажуваат дека паровите кои ја споделуваат среќата но и тажните животни мигови имаат поголеми шанси да останат заедно до крајот на животот, со оглед на тоа што ќе знаат да се изборат со многу стресни ситуации заедно.
4.Се мотивирате и поддржувате еден со друг за да напредувате
Како што е важно да се развивате како пар, така е важно и да се развивате како поединци. Доколку се мотивирате еден со друг и се поддржувате во секој план за да бидете успешни, тоа е сигурен знак дека вашата врска ќе трае целиот живот. Кога партнерите го „извлекуваат“ она најдоброто еден од друг, таквата врска е загарантирана дека ќе биде успешна.
