Оваа енергетска бомба, воедно е и здрава и многу хранлива, а сите членови на семејството едноставно ќе ја обожаваат
Појадокот е најважниот оброк, тврдат експертите. Сепак, многумина од нас го прескокнуваат поради брзањето, комплицираната подготовка во време кога се подготвуваме за работа и децата за на училиште. Овој рецепт ќе ве остави без изговор да не појадувате, а ќе се чувствувате како да сте го јаделе најслаткиот десерт на светот, без ни малку совест – затоа што сите состојки се здрави.
Потребни состојки за две лица:
- 60 грама овесна снегулки
- 160 мл. млеко
- 120 грама грчки јогурт
- една лажичка какао
- половина лажичка цимет
- една лажичка чија семе
- една банана исецкана
- една лажица чоколадни трошки
- една лажица мед
Подготовка:
Ставете ги овесните снегулки во тегла со капак, додадете го млекото, грчкиот јогурт, какаото, циметот, бананата и семето од чија и добро измешајте со лажица. Затворете ја теглата и оставете ја во фрижидер преку ноќ. Пред да сервирате додадете малку исецкана банана, чоколадни трошки и лажичка мед.
Пријатен апетит!
