Чоколадните вафли се совршени за опуштен и мирен зимски појадок, затоа ви подготвивме едноставен рецепт за вас.
Вафлите се дефинитивно совршен избор за опуштен зимски појадок. Зошто да не направите чоколадни наместо обични вафли?
Состојки:
- 1 ½ чаши брашно
- 3 лажички прашок за пециво
- ½ лажичка сол
- ½ чаша шеќер
- 3 лажички какао во прав
- 1 чаша млеко
- 2 јајца
- 4 лажички растопен путер
- 1 лажичка омекнат путер
- ¾ чаша шеќер во прав
- ½ лажичка екстракт од ванила
- 1 лажичка млеко
Подготовка:
Во голем сад измешајте го заедно брашното, прашокот за пециво, солта, шеќерот и какаото. Додадете го млекото, јајцата и путерот во сувите состојки и мешајте додека не добиете изедначена смеса. Може да користите и миксер.
За сосот измешајте го омекнатиот путер, шеќерот во прав, екстрактот од ванила и млекото. Можете да додадете и неколку коцки чоколадо. Сосот мора да биде доста густ.
Смесата за вафли се истура во тостер и се пече додека не добие златна боја. Послужете со врел густ чоколаден сос, а можете да го додадете и омиленото овошје доколку сакате.
