Среда е голем ден за технолошкиот свет. “Apple” денес го претставува новиот паметен телефон “iPhone 7.” Долгоочекуваниот ден дојде откако “Samsung” го повлече “Note 7” поради проблеми со батеријата.
Многу фанови на “Apple” пробаа да дојдат до информации за тоа какви новости нуди новиот “iPhone 7” и очекуваат да има само еден влез поради кои корисниците ќе бидат принудени да користат “Bluetooth” слушалки. Сепак се очекува дека со телефонот ќе добијат и адаптер.
Се очекува дека квалитетот на камерата ќе биде подобрен и дека ќе има двоен објектив. Исто така, се очекува дека ќе има поголема меморија, копчето за враќање на почетната страна ќе биде на допир и ќе има подобри звучници.
Треба да биде отпорен на вода. Фановите се надеваат дека ќе биде достапен во повеќе бои. Нарачките почнуваат од петок. Конференцијата ќе биде одржана во Сан Франциско во попладневните часови.
